VIGAN CITY – Mapukpukaw ti maysa nga SUV a kukua ni Maribel Dato Antolin, ag-tawen lima pulo ket tallo, agnanaed idiay Barangay Poblacion Sur, Sta. Maria, Ilocos Sur.
Iti pannaki-uman ti Bombo Radyo Vigan kenni PCapt. Joel Dasargo ti Sta. Maria Municipal Police Station, impakaammo kadakuada ni Antolin a pinanawan ti kayongna a ni Jeson Amorin Aquino a nakaparking iti lugan a Grey Ford Ecosport iti garaheda idi alas onse y media iti bigat iti Enero 8 ket nakita pay laeng a nakaparking iti nasao a lugar iti alas sais y media iti January 8 ta innala ni Aquino iti car jack ngem iti simmaruno nga aldaw, idi mapan koma agpakan iti manok ni Aquino ket napansinna nga awanen iti lugan.
VC- PCAPT. JOEL DASARGO
Pinasingkedan pay ni Dasargo a mapapati a peke dagiti papel ti lugan babaen ti panagberipikada ti Land Transportation Office (LTO) a ginatang ti asawa ni Maribel Antolin a ni Crispin Antolin iti gatad a P330,000 idi May 23, 2022 kenni Jomel Trino Dalay-on, addan ti husto a tawen nga agnanaed ti Brgy. Poblacion Sur, Lidlidda.
Iti agdama, mannarimaan ti imbestigasyon dagiti otoridad nu siasino ti nangitaray iti lugan.
Nagbalakad ni Dasargo kadagiti tattao sakbay a gumatang ti maysa a banag ket kitaen a nasayaat nu legal met laeng tapnu saan a masayang ti kwarta ken maliklikan iti pannakaibalud.
VC- PCAPT. JOEL DASARGO
