VIGAN CITY – Nakemmeg ni Niel Galleta Gaboy, agtawen iti uppat a pulo ket innem, contractor ken construction worker, maysa nga street level individual a taga-Barangay Oaig Daya, Candon City babaen ti naiwayat a buy bust operation.
Nakagatang ti poseur buyer iti maysa a bassit nga heat-sealed transparent plastic sachet a naglaon ti mapapati a shabu manipud iti suspek.
Malaksid dayta, naala pay manipud iti ikot ti suspek ti dua a piraso ti medium size heat-sealed transparent plastic sachet a naglaon iti shabu; dua a piraso ti awan kargana a medium plastic sachets; tallo a piraso ti maysa a sangaribo a pisos a buy-bust money; dua a unit ti cellphone ken kuarta a PHP464.
Dagiti naala a shabu ket agdagsen iti dua a gramo ken aggatad iti PHP13, 600.
Sangwen ti suspek ti kaso a panaglabsing iti RA 9165 wenno Comprehensive Dangerous Drugs Act of 2002.
