Maysa a Street Level Individual ti nakemmeg iti naiwayat a buy-bust operation idiay Barangay Daldagan, Galimuyod, Ilocos Sur, maibilang a drug cleared barangay.
Ti suspek ket ni Chester Flores Gironella, agtawen iti tallopulo ket dua, fish vendor, agnaed iti nasao a lugar.
Naala manipud iti suspek ti nasurok kumurang .45 grams ti mapapati a shabu nga aggatad iti PHP3,060 a naikabil iti maysa a piraso ti heat-sealed transparent plastic sachet.
Dagiti non-drug evidence ket pakairamanan ti tallo a piraso ti PHP1000-peso bill a boodle money, maysa nga ID, photocopy ti ID, pitaka, sim card case, cellphone, kutsilyo, motorsiklo ken PHP776 a kuarta ti suspek.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
