Imbalad ni Charles Angel Seatriz nga SK Chairman iti Pantay Tamurong, Caoayan kadagiti umili nga agannad iti panagkomento iti social media.
Dayta ket kalpasan a napasaranna iti diskriminasyon bayat a manarimaan iti live stream da idi Piesta iti ili ti Caoyan ta adda iti nangdillaw iti bagina.
Iti pannaki-uman ti Bombo Radyo Vigan ken ni Seatriz, nasakit ti riknana a nakabasa kadagiti komento isu nga in-screenshotna ken nagpost ket impaganetgetna iti panangisardeng ti Body Shaming ken tinignayanna iti nasao a pasamak babaen iti panagipatulod ti summon kadagiti nagkomento iti saan a nasayaat.
Gapu dayta ket nagkiddaw ti pammakawan dagiti lima a nagkomento iti saan a nasayaat kenkuana ngem desidido nga ikkan ida iti pagnakman tapno saandan nga uliten iti inaramidda.
Innayonna nga awan ti karbengan iti siasinoman a manguyaw iti padada ta patienna nga amin a parsua ket napintas.
