Maysa nga LTO personnel, nadungpar iti van

VIGAN CITY – Nagsagaba iti head injury ni Jhoe Jhoe Gamayo Billones, agtawen iti tallopulo ket lima, LTO personnel a taga-San Simon Street, Barangay Holy Spirit, Quezon City ta nadungpar iti van idiay Barangay Bimmanga, Tagudin.

Ti van ket minaneho ni Manuel Asuncion Tabon, agtawen iti innem a pulo ket tallo a taga-Barangay Tangaoan, Santa Maria.

Magmagna iti igid ti kalsada ni Billones idin ta ti agpapa-amianan a van ket agparking koma iti shoulder lane ket aksidente met a nadungparna ni Billones.

Nupay kasta, saan a naan-ano ni Tabon ngem agpadada a naipaagas iti Ilocos Sur District Hospital, Tagudin para ti naan-anay a pannakatamingda.