Maysa nga improvised caliber 22, nakumpiskar manipud iti naiwayat a search warrant operation iti ili ti Burgos

VIGAN CITY – Maysa a piraso ti improvised caliber 22 ti naala manipud ken ni Gualberto Bobiles, agtawen iti innem a pulo ket pito, mannalon ken agnaed iti Barangay Lubing, Burgos babaen ti pannakaiwayat ti search warrant operation iti uneg ti pagtaenganna.

Ti search warrant ni Bobiles ket inruar ti Presiding Judge, RTC Branch 22, Narvacan a napetsaan iti December 7 gapu ti panaglabsing iti Republic Act 10591.

Naiwayat ti operasyon babaen ti pannakaimatang dagiti opisial ti barangay a nagserbi kas witnesses.

Nupay kasta, ti suspek a nakemmeg pakairamanan ti naala nga ebidensia ket naipanen iti CIDG Ilocos Sur tapno maidalan iti husto a proseso.