VIGAN CITY – Dua a pasahero iti Tamaraw FX iti na-injure gapu iti pannakadungpar ti driver iti maysa nga Isuzu MUX iti national highway iti Brgy. Parada, Sto. Domingo.
Dagiti karaman iti aksidente ket ti nagmaneho iti Isuzu MUX a ni Carla Angeline Ujano, agtawen ti tallopulo ket lima, balasang nga agnaed idiay Panay Norte, Magsingal idinto a ti nagmaneho iti Tamaraw FX ket ni Crisente Matudio, agtawen ti limapulo ket lima, naasawaan, mannalon nga agnaed idiay Barbar, San Juan ken ti kakaduana a da Expedito Castillo, agtawen ti innem a pulo ket lima, awanan trabaho ken ni Shaina Ella Madriaga, agtawen ti sangapulo ket siam, estudyante nga agpada nga agnaed idiay Nalnas, Langiden, Abra.
Maibasar ti insiyal nga imbestigasyon, agturongen iti highway ni Ujano iti bagatan a paset iti kalsada idin nadungpar ni Matudio nga agpabagatan a direksyon.
Gapu ti dayta, nadunor dagiti dua a pasahero iti Tamaraw nga insigida a naipan iti Magsingal District Hospital para iti pannakatamingda idinto a saan a naan-ano dagiti driver.
Kabayatanna, saan pay nga ammo nu mano ti gatad ti nadadael a paset dagiti lugan.
