VIGAN CITY – Kinontra ti Provincial Government of Ilocos Sur ti maysa nga artikulo nga inruar ti Rappler a napauluan a “Almost 1,000 barangay in Ilocos Region lack elementary schools – DepEd study” a sinurat ni John Michael Mugas no sadino rimmuar a ti probinsia iti kangatoan ken kadduan ti school-less barangay, nabaybay-an ti edukasyon ken basol ti gobierno probinsia.
Segun ti Provincial Government, iti panangipaay iti basic education ket babaen iti mandato ti Department of Education idinto a ti akem ti Local Governement Unit ket mangipaay ti supplementary finance wenno suporta para iti public basic education babaen iti Special Education Fund ket mangipaay iti pangipatakderan ti pagadalan.
Inlawlawag ni Region Officer 1 Director Tolentino Aquino, ti nasao a panagadal nga insayangkat ti DepEd RO1 Police, Planing and Research Division ket tapno bigbigen ken kitaen no ania dagiti wagas a masapol nga ubraen tapno mapasayaat ti pannakaidanun ti dekalidad nga edukasyon kadagiti nadumaduma a barangay.
Innayon ni Aquino a ti Schools Division Office ti mangkitkita dagiti lugar a mabalin a pakaipatakderan dagiti pagadalan ken makiuman kadagiti stakeholders ti komunidad.
Kinumpirmaran pay ti opisyal nga awan iti empleyado manipod ti DepED Regional Office 1 ti na-interview wenno nangted iti animan nga impormasyon ti Rappler inaig iti nasao a panagadal ti ahensya.
Maladingiten ti gobierno probinsya a mangsapsapol ti nasao nga author iti pammadakes ken panangdadael iti imahe para iti bukodda nga interes a kontra ti Singson ken Marcos.
