VIGAN CITY – Natakawan bayat iti pannaturog ni Mark Christian Buquing de Guia, agtawen iti duapulo ket pito, baro, Architectural Apprentice, nga agdama nga agab-abang iti Gabetan Apartment ken agnaed idiay Barangay San Jose, Candon City.
Segun ti Candon Police Station, nariing ti biktima gapu iti natinnag a bote iti lotion ket nakitana nga adda iti kawayan iti laud a paset tawana a posible a nagsukitan iti saan pay a nabigbig a suspek.
Nagpaarayat ti biktima babaen iti panagpukkawna ngem saanna a nakita dagiti suspek ta apaman a naguyodda iti kayo nga inaramatda ket timmarayda iti katabakoan.
Naala dagiti suspek ti aggatad iti uppat a pulo a ribo a pisos iti cellphone, singsing nga aggatad iti waloribo a pisos, 950 Hong Kong dollar ken 11,500 a kuarta.
