VIGAN CITY – Nairekord ti maikainem a pulo a kaso iti Covid19 ditoy probinsia a ti pasyente ket maysa a lalaki nga agtawen ti duapulo ket uppat nga agnaed idiay Brgy. Bayubay Sur, San Vicente.
Maibilang nga Authorized Person Outside Residence ta isuna ket maysa a truck helper porter.
Asymptomatic ti pasyente, adda travel history-na iti National Capital Region ken adda exposure na kadagiti lugar a narisgo iti nasao a sakit ken adu dagiti nakapulapolna.
Gapu ti dayta, mangrugi ita nga aldaw agingga inton September 6 ket maidalan iti extreme enhanced community quarantine dagiti lugar a naisakup iti critical zone, modified enhanced community quarantine dagiti lugar a naisakup iti containment zone ken general community quarantine dagiti lugar a naisakup iti buffer zone.
