VIGAN CITY – Maysa nga apo ti nagtakaw ti nasurok maysa million a pisos ken innalana pay ti SUV ti lolona idiay Barangay Don Lorenzo, Caoayan, Ilocos Sur.
Iti pannaki-uman ti Bombo Radyo Vigan ken ni PCapt. Medel Perinion a hepe ti Caoayan Municipal Police Station, ti suspek ket ni Art Pespes Manuel, agtawen iti sangapulo ket walo, baro ken Out of School Youth idinto a ti biktima ket ni Reynaldo Querubin Queypo, agtawen iti pitopulo ket innem, negosyante, ket agpadada nga agnaed idiay Barangay Don Lorenzo Querubin, Caoayan.
Segun ken ni Perinion, maibasar iti CCTV footage a naala manipod ti pagtaengan ti biktima, idi rabii ti March 25, 2024 ket pwinersa ti suspek a linukatan ti sliding window iti likod ti pagtaengan ti biktima nga isu ti simrekanna.
Idi addan iti uneg ti suspek ket pwersana a linutakan ti sumagmamano a drawer iti salas ket nangala ti kuarta ken innalana pay ti tulbek ti Toyota Fortuner a metallic gray ket minanehona.
Adda met dagiti nangipakaammo ti kaadda ti nasao a lugan nga intaray ti suspek idiay Caboloan, Sta Catalina a gappuanan ti pannakakemmeg ti suspek.
Naamoan a dati nga agkabbalay dagiti aglolo ngem gapu ti namin-ano a daras a panagsalda ti suspek ket nauma a taga-saka ti lolona isu a saandan nga agkabbalay.
Nupay kasta, ammo ti suspek ti pagiduldulinan ti biktima kadagiti napapateg a gamitna isu nga idi nabartek ket isu ti napagtripanna nga innala.
Umabot ti P1.3 agingga 1.4 million ti balor ti amin nga innala ti suspek manipod iti biktima.
Kabayatanna, ipila dagiti pannakabagi ti linteg separate case ti carnapping ken robbery kontra ti suspek.
VIDEO OF PCAPT MEDEL PERINION
