VIGAN CITY – Mapukpukaw ni Redentor Labiano, agtawen iti tallopulo ket innem, agnaed iti Barangay Dacutan, Tagudin.
Alas syete y media iti agsapa ti June 21, in-report ni Danilo Labiano, agtawen iti innem a pulo ket uppat nga agnaed iti nasao a barangay, uliteg ti mapukpukaw a ni Redentor ket pimmanaw iti pagtaenganda ta nagpakada a mapanda ag-swimming dagiti batch mates-na idiay Barangay Bio ngem saanen a nagawid agingga ita.
Malaksid dayta, napakaamoan ti uliteg ti mapukpukaw a maysa kadagiti agnaed iti nasao a barangay a nakitada ni Redentor idi June 24 iti Shell Gasoline Station idiay Barangay Magsaysay, Tagudin a nakasuot iti maong a shorts ken black/gray T-shirt a nakaiggem iti black/gray bag pack.
5’6 ti katayag ti mapukpukaw a ni Redentor ken nakuttong ti pammagina.
