VIGAN CITY – Posible a saan a napakadaan ni Atty. Princess Caroline Nichole Cancio Ibarra, agtawen iti tallopulo ket maysa, agtrabtrabaho iti branch 13, Laoag City nga agnaed idiay Barangay Rang-ay, Sinait iti napigsa a guyod ti kuryente ti danum bayat ti panagdigosna iti Calm Spring idiay Sitio Matit, Barangay Patiao, Peñarrubia, Abra isu a nalmes idi February 24, 2024.
Iti pannaki-uman ti Bombo Radyo Vigan ken ni PCapt. June Saliw-an a Chief of Police iti Peñarrubia Municipal Police Station, nakaawatda iti report inaig ti pannakalmes ti biktima iti nasao a lugar ket naamoan a kadua ti biktima ti driver-na a ni Voltaire Aquino Salvador, agtawen iti tallopulo ket innem, naasawaan nga agnaed idiay Anonang Menor, Caoayan a napan iti nasao a lugar tapno ag-picnic.
Segun ken ni Saliw-an, napan ti spring ti biktima ken ti driver-na iti kagudua a metro ti kauneg ti spring ket kiniddaw ti biktima a picture-anna ket kalpasan iti dayta, pinanawan ti driver ti biktima ta mabain a bumantay bayat nga agdigdigos ngem idi agsubli ket isun ti pannakakitana a nalmes ti biktima isu a nagpaarayat ket impadasda nga i-revive ket nangnamnamada a makalasat ta nagbakwar pay laeng iti danum ti biktima isu a naipan iti Assumpta Medical Clinic, Bangued, Abra ngem naideklarar a dead on arrival babaen ti attending physician-na.
Naamoan a saan unay nga ammo ti aglangoy ti biktima ken patienda a saanna nga impagarup a napigsa iti guyod ti kuryente ti danum a gappuanan ti pannakalmesna.
VIDEO – PCAPT JUNE SALIW-AN
