VIGAN CITY – Agtultuloy iti imbestigasyon dagiti pannakabagi ti linteg inaig iti pannakapaltog ken pannakapapatay ti maysa nga abogado babaen kadagiti riding-in-tandem idiay Bangued, Abra.
Iti pannaki-uman ti Bombo Radyo Vigan ken ni PMaj. Daniel Pel Ey manipod Abra Police Provincial Office, ti biktima ket ni Atty. Ma. Saniata Liwliwa Gonzales Alzate nga agnaed idiay Barangay Zone 2, Bangued, Abra.
Segun kenkuana, bayat ti kaadda ti biktima iti uneg ti luganna iti sangwanan iti pagtaenganda ket kellaat nga immasideg kenkuana ti lalaki a nakakallugong nga isun iti nangpaltog kenkuana ket idi limmuganen iti motorsiklo, simmaruno met ti driver a nakallugong a pimmaltog iti biktima iti namin-ano a daras.
Saan pay met a maibaga dagiti otoridad nu adda kainaigan iti trabaho ti pannakapapatay ti abogado ta adu iti sangsangwenna a kaso dagiti kliyentena.
Kabayatanna, nadiskubre dagiti pannakabagi ti linteg iti walo a basyo iti bala ti paltog iti nakapasamakan iti krimen.
VOICE OF PMAJ. DANIEL PEL EY
