Nasarakanen dagiti otoridad ti maysa kadagiti bangkay iti mapukpukaw a Pinoy seafarers.
Iti panagdenggeg ti Senate Committee on Migrant Workers, naisaludsud ni Committee Chairman Raffy Tulfo ti update kadagiti mapukpukaw a Filipino seafarers.
Segun ken ni Department of Migrant Workers Secretary Hans Leo Cacdac, nasarakan ti Pinoy crew a ni Jeric Bueno a napukaw idi February 22 iti paset idiay Brazil.
Nakitan ti bangkay ni Bueno ken insigida a nakiddaw ti pannakaisayangkat ti autopsy ta saan a nalawag nu kasano a natay ti Pinoy crew.
Kabayatanna, awan pay laeng ti damage kadagiti mapukpukaw a Pinoy seafarers a da Ralph Anthony Bobiles idi December 5, 2024 a napukaw idiay Panama; Jimbo Cadungog a napukaw idi August 31, 2024; ken Vincent San Diego idi June 16, 2023 a saan pay a nasarakan idiay Norway.
Saan met nga awaten ti DMW ti resulta ti imbestigasyon iti Panamian authorities iti pannakapukaw ni Bobiles a mapapati a kellaat a nagpukaw iti barko ken awan ti indikasyon ti foul play.
