--Ads--
VIGAN CITY – Maysa ti nakemmeg ken nakalibas ti pito a kakaduana a naaktuan a nagsusugal idiay Barangay Becques, Tagudin.
Nabigbig ti maysa kadagiti suspek a ni Joel Lanuza, agtawen iti uppat a pulo, dati nga OFW, nga agnaed iti Barangay Becques, iti nasao nga ili.
Naaktuan dagiti suspek nga agaayam iti Lucky 9 ken naala kadakuada ti baraha ken pusta a PHP3,662.
Naipanen iti Tagudin Police Station ti suspek pakairamanan dagiti naala nga ebidensya tapno dumalan iti husto a proseso.
-- ADVERTISEMENT --
Maisagsaganan ti kaso a panaglabsing iti Presidential Decree 1602 wenno Anti-Illegal Gambling Act.