--Ads--
VIGAN CITY – Kaso a panaglabsing iti Presidential Decree 1602 wenno Anti Illgeal Gambling Act ti sangwen ti maysa a lalaki a nakemmeg iti anti-illegal gambling operation idiay Bagani Ubbog, Candon City.
Nabigbig ti suspek a ni Marc Joshua Gines, agtawen iti duapulo ket maysa, residente iti nasao a lugar.
Nakalibas dagiti kinasugalna a ni Rodolfo Gamas Jr., Ariel Galario, Melchor Gorospe Jr., ken ni Albert Galima nga agpapada a taga-Ubbog ken naaktuan nga aga-ayam iti pusoy.
Naala iti nagsusugalanda ti pusta a PHP97 idinto a ti suspek ket nakakustodian iti kapulisan tapno dumalan iti husto a proseso.
-- ADVERTISEMENT --
