VIGAN CITY – Natay ni Jayson Tarangco a taga-Cabaritan, Sto. Domingo gapu ti pannakadisgrasyada dagiti kinalubbonna iti motorsiklo iti nasao a lugar.
Karaman iti aksidente ti Honda ADV motorcycle a minaneho ni Jayson Tarangco idinto a dagiti backride na ket da John Paul Garcia ken ni Mark Edison Tadena ken agtawen iti tallopulo ket tallo nga agpapada a taga-Sitio Payad, Barangay Cabaritan, Sto. Domingo.
Agpapalaud a direksyon ti motorsiklo idin ta saan a nakontrol ti drayber ti manibela ti luganna a puon ti pannakadisgrasyada.
Segun kenni PLt. Rodel Marzan, hepe ti Sto. Domingo Municipal Police Station, naggapu dagiti tallo iti pagiinoman ti arak ket naitruong ni tarangco idiay napananda a pasdek ngem riniing ti kadduana nga isu metten ti gundaway nga isuna iti pinagmanehoda ti motor.
Iti agdama ket awan pay laeng ti puotna ni Garcia idin ta ni Tadena ket natalgeden ti kasasaadna.
Innayon ni PLt. Marzan nga adda ti buntuon a daga a posible a pinalagtuan ti drayber a puon ti saanna a pannakakontrol ti manibela ti motorsiklona.
Numan pay awan ti semento ti nakaipurwakanda ket posible a ti kinadagsen dagiti tallo a nagkalubbon ti nakadunoran dagiti biktima idi napalagto ti lugan ken ti stoplight ti immuna a naitupa iti daga.
