VIGAN CITY- Pinaglibakan ni Palmie Susa nga isuda kenni kasinsin na a ni Florante Tabuso iti nangrugi iti riribok iti maysa a salunan idiay Barangay Naglaoa-an, Sto. Domingo a nagtinnag iti pammaltog ni PO3 Jun Christopher Briones nga ita ket sapsapulen pay laeng dagiti pannakabagi ti linteg iti naglemmengan na.
Segun ken ni Palmie, ni Briones iti immasideg kadakuada kabayatan iti panagiinom da ket pinatakder a ni Tabuso san a kinapkapan ket idi naiggaman na iti siket ni Tabuso, isun iti panangpaltog na kenkuana a rason tapnu tumakder ni Susa a nanganawa ti pulis ngem ingawid ni William Villegas nga uliteg da met laeng.
Malaksid iti dayta, pinaglibakan pay ni Susa nga adda iti napasamak a panagallamano da Tabuso kenni Briones.
Kinunana, arigna nablangko idi ti dayta a kanito ti pulis agsipud ta amin nga umasideg kenkuana ket putukan na.
Kabayatanna, pinatalgedan na nga adda iti daan a susik iti nagbabaetan da agsipud ta saan da sinuportaran 
ti kabsat ti suspek a nagpapili kas konsehal iti ili.
Maipalagip a ti dayta a pasamak ket natay ni Tabuso kenni Liezel Agcamaran idinto a nadunor iti kabsat ti suspek a ni Ryan Briones ken maysa pay a lalaki nga agtawen iti sangapulo.
