VIGAN CITY – Nakemmeg idiay Brgy Nambaran, Sto Domingoti naibilang a Top 1 municipal level iti Masantol Muncicipal Police Station ti Pampanga.
Nabigbig ti akusado a ni Chrisjay Rojo, alyas Baboy, agtawen iti tallopulo ket tallo, naasawaan, buyer ken seller ti cellphone ken alahas.
Ti pannakakemmegna ket babaen ti alias warrant of arrest nga inruar ti RTC Branch 55, Macabebe, Pampanga a napetsaan idi September 3 gapu ti panaglabsing na ti Section 10 ti RA 7610 wenno Anti Child Abuse Law a narekomendaran ti 80,000 pesos a gatad ti pyansa para ti temporaryo a pannaka-wayawayana.
Naipan nga umuna iti Magsingal District Hospital ti akusado para iti physical ken medical examination sakbay a naipan iti San Ildefonso Police Station para iti proper disposition ken documentation.
