Maysa a wanted person, nakemmeg iti ili ti Sinait

VIGAN CITY – Nakemmeg ni Rolynette Baltazar, agtawen iti tallopulo ket walo a taga-Barangay Namnama, Sinait.

Sumangsango ni Baltazar iti kaso nga Estafa a ti warrant of arrest-na ket imparuar ni Acting Presiding Judge, MTC Sinait, napetsaan iti June 24, 2022.

Innem a ribo a pisos ti nairekomendar a pyansa ti suspek para ti temporaryo a pannaka-wayawayana.

Iti agdama, addan iti kustodia dagiti pannakabagi ti linteg ti suspek tapno dumalan iti husto a proseso.