VIGAN CITY – Nakemmeg ti maysa a senior citizen gapu iti kasona a falsification of public document idiay Brgy. VIII, Vigan City.
Segun ti Vigan City Police Station, nabigbig ti wanted person a ni Antonio Bermudez Abarquez, agtawen iti innem a pulo ket maysa, naasawaan a taga-Barangay Pug-os, Cabugao.
Ti nakemmeg ket naakusaran iti Fasification of Public Document CC No. 15417 and 15418 ken para iti perjury CC no.15419 babaen iti bileg iti warrant of arrest nga inruar ni Acting Presiding Judge MTCC Vigan City a napetsaan idi April 21, 2022 a narekomendaran iti P36,000 a piyansana tunggal maysa iti falsification of public document ken P12,000 para iti perjury.
Kabayatanna, ti nasao nga akusado ket addan iti custodiya iti Vigan City Police Station para iti proper disposition.
