VIGAN CITY – Mapukpukaw ni Perfecto Reyes Cuaresma, agtawen iti uppat a pulo ket dua, naasawaan, tricycle driver nga agnaed idiay Barangay Bayubay Norte, San Vicente, Ilocos Sur.
Segun ti San Vicente Municipal Police Station, nagturong iti istasyon ni Meliza Cristy Villastiqui Cuaresma, agtawen iti uppat a pulo ket uppat, naasawaan, helper nga agnaed iti nasao a lugar ket impakaammona iti pannakapukaw ti asawana manipod October 9, 2023.
Segun kenkuana, iti alas sais iti bigat ti October 9 ket pimmanaw ti asawana ta nagkarga kadagiti pasahero iti ili ti San Vicente ken Vigan City ngem saanen a nagsubli pay agingga ita.
Inladawanna ti asawana a 5’8 iti katayagna, fair complexion, ken kalalaingan ti bagbagina.
Kabayatanna, kiddaw dagiti pannakabagi ti linteg kadagiti makakita nga ipakaammoda laeng kadakuada babaen iti panangkontak ti San Vicente MPS iti numero 09171479099 wenno ni Meliza nga asawa ti mapukpukaw babaen ti 09759163720.
