VIGAN CITY – Nakemmeg ti maysa a tattoo artist gapu iti panaglabsingna iti Republic Act 9165 idiay Brgy. Bonifacio, Cabugao.
Segun ti Cabugao Municipal Police Station, ti nakemmeg ket ni Lovell Sablay, agtawen iti tallopulo ket uppat, naasawaan nga agnaed idiay Nagsantaan,Cabugao.
Iti panagtitinnulong dagiti pannakabagi ti linteg ket naisayangkat ti anti-illegal drug buy bust operation a nagresultaan iti pannakakemmeg ni Sablay ta nagilako iti maysa a bassit a heat sealed plastic sachet iti mapapati a shabu iti nagpammarang a buyer.
Naala pay kenkuana ti pito a small heat-sealed plastic sachet a naglaon iti mapapati a shabu nga agdagsen iti maysa a gramo ken aggatad iti P10,000; maysa a sangaribo a pisos a naaramat a buy bust money ken dadduma pay a non-drug nga ebidensya.
Iti agdama, makakustodiyan ti suspek iti Cabugao Municipal Police Station.
