VIGAN CITY – Boluntaryo a simmuko kadagiti pannakabagi ti linteg ti maysa a street level individual iti ili ti Narvacan.
Iti pannaki-uman ti Bombo Radyo Vigan ken ni PCapt. Sonny Cabbat iti Narvacan Municipal Police Station, ti agtawen tallopulo ket pito a lalaki ket simmuko babaen ti panangisaysayangkat ti Oplan ADORE dagiti pannakabagi ti linteg.
Segun ken ni Cabbat, inamin ti simmuko a nagar-aramat iti maiparit nga agas ngem naamirisna a saan a nasayaat nga itultuloyna pay gapu iti binukelna a pamilia ta kayatna a maikkan ti napintas a masakbayan dagiti putotna.
Gapu dayta ket dumalan ti community based drug rehabilitation progam ti nasao a simmuko.
Innayon ni Cabbat a suportaran ti nasao a lalaki iti programa iti gobierno kontra ti ilegal a droga babaen ti pannakitinnulongna kadagiti pannakabagi ti linteg.
VIDEO AUDIO OF PCAPT. SONNY CABBAT
