VIGAN CITY – Atapen ni Juliet Rapisura Reintar, agtawen iti uppat a pulo, negosyante, a taga-Pangada, Sta. Catalina nga utang ti rason no apay a pinaltuganda ti puesto nga ab-abanganna iti nasao nga ili.
Segun ken ni Reintar, mapapati a butbutngen isuna ti singsingirenna a nakautang kenkuana iti PHP180K gapu ta kadagiti naglabas nga aldaw ket adda ti mangdir-dirty finger kenkuana.
Idi alas dyes singkwenta idi rabii (April 19), nakaawat ti tawag ti Sta. Catalina Police Station nga adda ti nangpaltog iti namin-innem a daras iti roll up door ti stall nga ab-abanganna idiay Barangay Tamorong.
Nagresponde dagiti pannakabagi ti linteg ket narekobreda ti lima nga empty shells ti 9mm a paltog.
Kabayatanna, awan ni Reintar iti puestona idi napasamak ti insidente.
Nupay kasta, manarimaan ti panangala dagiti kameng ti Sta. Catalina Police Station iti CCTV footage iti lugar tapno naal-alisto ti pannakasapul iti suspek.
