VIGAN CITY – Dead on Arrival ti maysa a babai a senior citizen ta napuntaan iti barukongna ta inubor ti kabsatna idiay Brgy. Pug-os, Sinait.
Ti biktima ket ni Zenaida Mangrubang Isaac, agtawen iti innem a pulo ket maysa, balo, awanan trabaho idinto a ti suspek ket ni Jessie Yadao Mangrubang, agtawen iti limapulo ket tallo, naasawaan, mangngalap nga agnaed idiay Brgy. Pug-os, Sinait.
Segun ken ni PCMS Danny Maligsay nga isu iti investigator on case iti Sinait Municipal Police Station, bayat iti kaadda ti biktima a iti kuartona idi rabii ket dimteng ti kabsatna a ni Mangrubang ket binansagna iti pagtaengan ti biktima iti mamindua a daras ket aksidente a napuntaan iti barukong ti biktima.
Iti imbestigasyon, saan a dagiti agkabsat iti agrirriri nu diketdi dagiti annakda gapu iti mapapati a post iti social media agingga duadan iti nagriri.
Boluntaryo a simmuko ti suspek babaen kadagiti nagresponde a pulis ket naipan iti Sinait Municipal Police Station para iti proper disposition.
Kabayatanna, nasarakan ti bato a naaramat iti kuarto ti biktima.
