VIGAN CITY – Dead on arrival iti ospital ti maysa a senior citizen gapu iti pannakalmesna idiay Barangay Sulvec, Narvacan, Ilocos Sur.
Iti pannaki-uman ti Bombo Radyo Vigan ken ni PCapt. Sonny Cabbat manipod Narvacan Municipal Police Station, ti biktima ket ni Danilo Ause Molina, agtawen ti innem a pulo ket pito, naasawaan nga agnaed idiay Brgy. Bakakeng, Baguio City.
Segun ken ni Cabbat, bayat ti kaadda ti biktima kaduana ti pamiliana iti Monte Leah Beach Resort ket kellaat a napan nagdigos iti baybay ti biktima idin kellaat a saan a makita dagiti kameng ti pamiliana.
Insayangkat dagiti otoridad ti search and rescue operation iti nasao a lugar ket nasarakanda ti bangkay ti biktima iti tengnga iti taaw, isu nga apaman a nakitada ket impanda iti Ilocos Sur District Narvacan ngem naideklarar a natay babaen ti attending physicianna.
Nupay kasta, kinuna ni Cabbat nga adda bassit nainom nga arak ti biktima sakbay a napasamak iti insidente.
VOICE OF PCAPT. SONNY CABBAT
