VIGAN CITY – Maysa a senior citizen iti nakemmeg gapu iti kasona a panagrames idiay Brgy. Teppeng, Sinait, Ilocos Sur.
Segun ti Sinait Municipal Police Station, ti akusado ket ni Joseph Sempao, agtawen iti innem a pulo, laborer nga agnanaed idiay Brgy. Teppeng, Sinait ngem tubo idiay 326 INT 50 Marcelo H. del Pilar St. Maysilo, Malabon City, Metro Manila.
Babaen ti panagtitinnulong dagiti pannakabagi ti linteg iti Cabugao Police Station, Sinait PNP ken Cabugao Maritime Police Precint ket nakemmeg ti akusado gapu iti kaso a panagrames babaen ti Alias Warrant of Arrest nga inruar ti Judge iti Regional Trial Court, Branch 24, Cabugao a napetsaan idi Enero 8, 2014 nga awan iti nairekomendar a pyansana.
Naipan ti akusado iti Cabugao Rural Health Unit ngem insigida met laeng a naiyakar iti Police Station tapno dumalan ti husto a proseso ken pannakapresentarna iti korte.
