VIGAN CITY – Nadunor ti maysa a pasahero ti Isuzu elf iti napasamak nga aksidente idiay Barangay Panay Norte, Magsingal, Ilocos Sur.
Nabigbig ti nagmaneho a ni Edwin Pascua Florente, agtawen iti tallopulo ket walo, agnaed iti Barangay 15B, Alay Badoc, Ilocos Norte.
Dagiti pasahero ket da Juliana Espiritu Refuerzo, agtawen iti pitopulo ket uppat, agnaed iti Badoc, Ilocos Norte; Michael John Aurellano, agtawen iti duapulo ket tallo; Virgilio Supapo Florentino, agtawen iti innem a pulo ket tallo, agpada nga agnaed iti Barangay 15B Alay, Badoc, Ilocos Norte.
Iti pannaki-uman ti Bombo Radyo Vigan ken ni Patrolman Anthony Atabelo, naggapu idiay Urdaneta dagiti naglugan iti trak a nagangkat iti lakoda ket agawidda koman idiay Badoc idin ta ta bimtak ti akin-likudan a pilid ti luganda rason ti saan a pannakabalanse ti drayber ket nag-overturn iti tengnga ti kalsada.
Innayonna a saan met a nadnadlaw ti drayber nga adda madi iti luganda ta sakbayna ket naannayas pay laeng met ti tarayna.
Gapu dayta, nagsagrap iti dunor iti nadumaduma a paset ti bagina ti pasahero a ni Refuerzo a naipaagas iti ospital para ti pannakatamingna idinto a ti drayber ken dadduma a pasahero ket saan a naan-ano.
VOICE – PAT. ANTHONY ATABELO
