VIGAN CITY – Nadundunor ti maysa a senior citizen ta nadungpar ti nakamotorsiklo bayat iti panagballasiwna iti national highway idiay Barangay Sulvec, Narvacan.
Segun ti Narvacan Municipal Police Station, ti biktima key ni Conception Canosa Paruligan, agtawen ti innem a pulo ket lima, naasawaan nga agnaed idiay Brgy Sulvec, Narvacan idinto a ti driver iti black euro 125 motorcycle ket ni Denmer De Guzman Tubog, agtawen ti duapulo ket lima, baro nga agnaed idiay Brgy. Quinarayan, Narvacan a mapapati a nabartek ken awanan ti helmet idi napasamak iti insidente.
Agpapaamianan a direksyon ti motorsiklo idi kellaat a nagballasiw ti senior citizen iti kalsada a naggapu iti daya nga agpalaud a direksyon ngem isu metten ti pannakadungparna.
Gapu dayta, agpada a nadundunor iti nadumaduma a paset ti bagi ti driver ken biktima isu a naipanda iti Ilocos Sur District Hospital – Narvacan para iti pannakatamingda.
