VIGAN CITY – Maysa a senior citizen nga agtagilako ti mapapati a nalimlimo iti Sto. Domingo Public Market ti tinulongan ti maysa a pulis.
Iti pannaki-uman ti Bombo Radyo Vigan ken ni PSSG. Maximo Ramos iti Sto. Domingo Municipal Police Station, nakaawatda ti report nga adda ti nalimlimo a senior citizen iti tiendaan ti Sto. Domingo isu a nagrespondeda ket nakitana ti panagsangit ni Pedro Salarson, agtawen ti pitopulo ket tallo ta awanen ti naglakoanna ti mano nga aldaw.
Segun ken ni Ramos, pinasingkedan ni Salarson a maysa a babai ti gimmatang kenkuana ti nateng nga aggatad ti uppat a pulo a pisos ket nagbayad ti sangaribo isu a sinuklian ti siam a gasut innem a pulo a pisos ngem saanna nga ammo a peke ti kuarta a naawatna.
Gapu ti asi ni Ramos ket sinukatanna ti sangaribo a pukaw ni Salarson ta naamwanna nga isuna ti agsapsapul para ti pamiliana.
Nupay kasta, manarimaan ti imbestigasyon ti PNP inaig ti kinatao ken pudno a pasamak ket kiddawna ti publiko a saan pay laeng nga iwaras ti video ti babai a nagbayad ti peke a kuarta tapno alaenda pay ti palawagna ken tapno saan a madadael ti nagan ken reputasyonna.
