VIGAN CITY – Dead on arrival ti maysa a senior citizen gapu iti panagbekkelna idiay Brgy. Sagayaden, Cabugao, Ilocos Sur.
Segun ti Cabugao Municipal Police Station, ti biktima ket ni Andres Rebanal Sayaboc, agtawen iti pitopulo ket uppat, mannalon nga agnaed iti nasao a lugar.
Iti imbestigasyon, naamoan a nagturong iti family house-da ni Ryan Jay Sayaboc, agtawen iti duapulo ket maysa, nga agnaed idiay Brgy. Sagayaden tapno alaen koma ti gitarana idi nakitana a nakabitin ti lolona iti uneg iti kuartona babaen ti tali a nakaputipot iti tengngedna.
Segun ti pamiliana, sakbay iti insidente ket naminduan a pinaggep ti biktima a nagpakamatay.
Nupay kasta, naipan iti Pira Clinic and Hospital ti biktima ngem naideklarar a natay babaen ti attending physician-na.
