VIGAN CITY – Dead on arrival iti ospital ti babai a nagmotorsiklo gapu iti pannakaidungparna iti maysa a kotse idaiay Barangay Guimod, Bantay, Ilocos Sur
Segun ti Bantay Municipal Police Station, ti nagmaneho iti nangisit a Yamaha 125 motorcycle ket ni Wilfreda Pio Guzman, agtawen iti innem a pulo ket tallo, naasawaan, holder iti non-Professional Driver’s License, nagaramat iti protective helmet, nga agnaed idiay Barangay San Julian, Magsingal idinto a ti nagmaneho ti kotse ket ni Ysraelle Mendoza Savella, agtawen iti duapulo ket tallo, SK Chairman, holder iti professional drivers license, nga agnaed idiay Barangay Quezon, Cabugao
Maibasar iti CCTV footage a naala iti operation center iti Bantay, agpapaamianan a direksyon ti kotse idinto nga adda iti bangir a linya ti motorsiklo idin nadanonda iti nasao a lugar, immagaw iti linya ti nakamotorsiklo iti ayan ti kotse a gappuanan ti panagdinnungparda.
Saan a naan-ano ti naka-kotse idinto a dunor iti ulo, bibig ken nadumaduma a paset ti bagi ti sinagaba ti nagmotorsiklo a naipan iti Northside Doctor’s Hospital ngem naideklarar a dead on arrival babaen ti attending physician-na.
