--Ads--

VIGAN CITY – Nasarakan nga awanen ti biag ni Reynaldo Combis Ramos, agtawen iti innem a pulo ket uppat nga agnaed idiay Barangay Abuor, Narvacan gapu iti pannakatinnagna iti tuping bayat iti panagbisikletana.

Iti pannaki-uman ti Bombo Radyo Vigan ken ni Police Major Alexander Dangli a chief of Police iti Narvacan Municipal Police Station, nakaawatda iti tawag inaig iti nasao a pannakasarak iti bangkay isu a nagrespondeda ket naamoan nga idi October 23, 2023 iti alas singko iti malem ket naki-inom ti biktima iti pagtaengan ni Jeffrey Cabigas Artime nga agnaed met laeng iti nasao a barangay ngem pimmanaw iti alas otso y media iti rabii iti isu met la nga aldaw.

Segun ken ni Dangli, mapapati a naawanan iti balanse bayat a nakabisikleta ti biktima isu a natinnag manipod iti tuping a gappuanan ti pannakaitupa iti ulona ti bato a rason iti nakatayanna.

Nupay kasta, ammo ti pamilia ti biktima a napan naki-inom  isu a saanda a sinapul ta impagarupda a naturogen iti napananna ngem saan gayam ta impadasna latta iti nagawid uray naka-inom.

-- ADVERTISEMENT --

VIDEO OF PMAJ. ALEXANDER DANGLI