--Ads--
VIGAN CITY – Maysa a senior citizen a lalaki iti natay gapu iti pannakakuryentena idiay Brgy. Cadacad, Narvacan, Ilocos Sur.
Segun ti Narvacan Municipal Police Station, ti biktima ket ni Mario Baggao Garcia, agtawen iti innem a pulo ket tallo, naasawaan, mannalon nga agnaed idiay Sitio Tibtiban iti nasao a lugar.
Naamuan nga idi aldaw iti August 29, 2022 ket bimmaba ti biktima iti kanal iti asideg iti piggery tapno simpaen ti waya iti water supply-da ngem nakuryente a gappuanan ti pannakadundunor ken pannaka-uram ti bagina, panagruar iti dara ti agongna ken bloated iti baginan idi nasarakan.
Gapu ta natayen ti biktima ket saanen a naipan iti ospital para iti medical attention.
-- ADVERTISEMENT --
