VIGAN CITY – Maysa nga insidente ti road rage ti napasamak ti Brgy. Maynganay Norte, Sta. Maria.
Nabigbig ti biktima a ni Arthur Cabe maysa a seaman ken ti live in partnerna a ni Anna cristy Salonga ken agpada nga agnaed ti Brgy. Abuor, Narvacan ken ti suspek a ni Ericson Luis agtawen ti uppat a pulo ket dua ken ti kabsatna a ni Eduardson Luis agpada nga agnaed ti Brgy. San Antonio, Claveria, Cagayan.
Iti pannaki-uman ti Bombo Radyo Vigan kenni PCapt. Joel Dasargo, hepe ti Sta. Maria PNP, agpada nga agpapaamianan a direksyo ti Blue Mitsubishi Mirage G4 a minaneho ni Cabe ken ti Isuzu Cargo Truck a minaneho ni Luis.
Mapapati a nagbaliw ti direskyon ti truck kabayatan nga agovertake kuma ti lugan ni Cabe.
Nagparking ni Cabe ken bimmaba ti luganna ket pinasardengna ti truck ket bimmaba ti driver ti truck ket napasamak ti panagkabil dagiti suspek ti biktima ken nairaman pay ti live in partnerna a naganawa kadakuada.
Rimmuar a positibo ti alcoholic breath test dagiti suspek ken iti agdama maisagsaganan ti kaso kontra kadakuada.
