VIGAN CITY – Agtultuloy iti imbestigasyon iti napasamak a panagtakawan iti maysa a sari-sari store idiay Barangay Danuman East, Sta. Maria.
Iti pannaki-uman ti Bombo Radyo Vigan ken ni PCapt. Randy Laureta a hepe iti Sta. Maria Municipal Police Station, impakaammo kadakuada ti biktima a ni Angelyn Zomera Quinto, agtawen iti tallopulo ket lima, balasang a maysa a kahera iti pannakaholdapna bayat ti kaaddana iti Silvia Sari Sari Store a kukua ni Maria Abril Dumag, agtawen iti duapulo ket walo, naasawan, nga agnaed idiay Barangay Danuman East, Sta. Maria.
Segun ken ni Laureta, apaman a nakagatang iti softdrinks ti saan a nabigbig a suspek ket indeklararna iti panagholdapna babaen ti panagaramatna iti paltog a pamutbuteng a gappuanan ti panangited ti biktima iti P3,700 a gatad ti kuarta a nalakoanna.
Gapu ti pasamak ket nagballaag ni Laureta kadagiti agtagilako iti panagan-annad ken kiddawna iti panangimuntar iti CCTV footage kadagiti pagtagilakoan tapno nu adda man iti insidente ket adda pagalaan iti ebidensya a makatulong para iti pannakasolbar kadagiti pasamak.
VIDEO AUDIO PCAPT RANDY LAURETA
