VIGAN CITY – Nasarakan idiay Barangay Bulala, Vigan City ni Ronnel Solina, agtawen iti tallopulo ket innem, sales representative a taga-Bocohan, Lucena City, Quezon Province.
Segun iti Vigan City Police Station, nasarakan ti bangkay ni Solina a nakaidda iti datar iti uneg ti Brenetes Transient house iti nasao a lugar.
Pinasingkedan ni Frank Ledesma, agtawen iti tallopulo ket tallo, sales representative a taga-Barangay Bocolan, Lucena City, Quezon Province nga iti alas singko iti agsapa idi kalman idi nakariing ta napan iti comfort room idin ta idi nagsubli iti katrena ket natakuatanna iti katre ni Ronnel nga awanen ti biagna.
Naitaray iti Ilocos Sur Provincial Hospital Gabriela Silang ti biktima ngem naideklarar a dead on arrival gapu ta mapapati a naatake.
