VIGAN CITY – Mapapati a mapukpukaw ni Simeon Besas Blaquera Jr., agtawen iti pitopulo ket walo, naasawaan, retired priest iti Aglipayan Church nga agnaed idiay Brgy. Tamurong 2nd, Candon City.
Segun ti Candon City Police Station, impakaammo ni Bobby Mike Valdez Blaquera, agtawen iti uppat a pulo ket innem, mangisursuro, naasawaan nga agnaed met laeng iti nasao a lugar a pimmanaw ti amana idi June 8, 2022 iti alas nuebe iti bigat tapno kitaen iti mulana a saba ngem saanen a nakasubli agingga iti agdama.
Naudin a nakita a nakasuot iti jacket nga adda logona a MERALCO, brown slacks ken naglugan iti nalabbaga a motorsiko a Honda TMX 125.
Nailadawan ni Simeon a 5’6’ iti katayagna ken nakuttong.
Kiddaw ti pamiliana nga nu adda iti impormasyonda maipapan ti mapapati a mapukpukaw ket ipakaammoda laeng iti Candon City Police Station babaen ti numero a 09153618181.
