VIGAN CITY – Nakemmeg ti maysa a restaurant helper idiay Barangay San Isidro, Candon City.
Segun ti Candon City Police Station, ti akusado ket ni Haldrin Guerrero, alyaw Troy, agtawen iti limapulo ket tallo, naasawaan nga agnaed idiay Abaya St. Brgy. San Isidro, Candon City.
Ti panangtitinnulong dagiti pannakabagi ti linteg ket nakemmeg ti akusado iti kaso na a Grave Threats a narekomendaran iti pyansa nga aggatad iti P6,000 babaen ti bileg ti Alias Warrant of Arrest a napetsaan idi February 18, 2011 nga inruar ti MTC Branch 2nd Judicial Region, Solano, Nueva Viscaya.
Naipan ti nakemmeg nga akusado iti Candon City Hospital para iti medical examination ngem naipan met la nga insigida iti Galimuyod Police Station tapno sumalan ti husto a proseso.
