Kiddaw ti akin-kukua ti maysa a Rest House idiay Subec, Sta. Catalina a matignayan ti napasamak a panagtakawan ti kable iti kuryente iti rest house-da.
Iti pannaki-uman ti Bombo Radyo Vigan ken ni Andy Batin, idi laeng maudi a lawas iti Hulyo ket naduktalanda a natakaw iti dadduma a wirings iti rest house-da bayat iti panagbisitada.
Segun ken ni Batin, makalawas manipod iti nasao a pannakaduktalda iti pasamak iti rest house ket iti panagsublida, naduktalanna manen a naala aminen a wirings a dati a naibati iti ngato iti kuboda.
Gapu dayta ket kiddawda a matignayan ti nasao a panagtakawan iti rest house-da tapno saan a marwam dagiti agal-ala iti wirings-da ken tapno madusa dagiti nagaramid iti saan a maiparbeng.
Impaganetgetna a kalikagum laeng ti pamiliana a maaddaan ti balay paginanaan no kasta nga aggapuda iti ballasiw-taaw ngem naimatanganda pay iti pananggundaway dagiti sumagmamano iti nagrigatan ken sakripisyoda bayat iti panagtrabahoda iti adayo.
