VIGAN CITY – Nagsagaba iti minor injury iti maysa a pulis gapu iti pannaka-aksidentena idiay Brgy. Banaoang, Santa, Ilocos Sur.
Segun ti Santa Municipal Police Station, nabigbig ti naaksidente a ni PSMS Edgar Allan Ellegores, agtawen iti tallopulo ket walo, naka destino iti PARMO-GSO, ISSPO possessor iti PDL nga agnaed idiay 968 Bliss Site, Nancamaliran West, Urdaneta, Pangasinan.
Maibasar iti inisyal nga imbestigasyon, agpapaamianan a direksyon ti Toyota Vios idi nadanonna iti nasao a lugar ket naawanan ti kontrol iti manibelana isu a naidungpar iti waiting shed a gappuanan iti pannakabaliktad iti lugan iti laud a paset.
Gapu iti dunor ti pulis ket naipan iti Metro Vigan Hospital para iti pannakatamingna idinto a saan pay nga ammo nu mano ti gatad iti nadadael iti lugan.
