--Ads--
VIGAN CITY – Dead on arrival ni Jayson Barrientos Parchamento, Prison Guard 3 iti Ilocos Sur Provincial Jail, agtawen iti uppat a pulo ket lima, agnaed iti Barangay VII, Vigan City ta napaltugan idiay Barangay Taleb, Bantay.
Nakalugan iti Hyundai i10 Eon hatchback na ti biktima a mapan iti trabahona idin ta pinaltugan ti saan pay nabigbig a suspek.
Naitaray iti ospital ngem saanen a nakalasat.
Narekobre iti nakapasamakan ti krimen ti walo a bala ti caliber 45.
-- ADVERTISEMENT --
Ti biktima ket dati a pulis a nakaidestino iti Police Regional Office 1 idiay San Fernando City, La Union ngem nadismiss gapu iti panag-AWOL-na, wenno Absent Without Leave.
Iti agdama, maim-imbestigaran no ania ti motibo iti pannakapaltog ti biktima.
