VIGAN CITY – Agdudua ni political analyst Ramon Casiple no seryoso ni Presidente Rodrigo Duterte iti imbutaktakna iti publiko nga adda maysa a presidential aspirant iti 2022 elections nga agar-aramat iti cocaine.
Iti pannaki-uman ti Bombo Radyo Vigan ken ni Casiple,no adda met laeng ebidensya ti presidente iti banag nga imbutaktakna ket impatiliwna koma a nabayagen uray saan a panawen iti eleksyon.
Saan a mapuntirya ni Casiple no ti tignay ti presidente ket para iti personal nga interesna wenno para iti anakna a ni Mayor Sara Duterte.
Innayonna nga ita laeng a gundaway a makakita ti kas iti presidente nga opisial iti gobierno ngem nupay kasta ket inyunay-unay ni Casiple a no ammona met laeng nga iligal ti inaramid ti ibagbagana a presidential aspirant nga agar-aramat iti cocaine ket adda koma met inaramidna nga addang.
