VIGAN CITY – Maysa a Philippine National Police personnel iti natay gapu iti pannaka-aksidentena iti Bantay-San Vicente provincial road idiay Barangay Bayubay Sur, San Vicente, Ilocos Sur.
Iti pannakipapatang ti Bombo Radyo Vigan ken ni PMaj. Marcelo Martinez a hepe ti San Vicente Municipal Police Station, pakaladingitanda iti pannakatay ni Pat. Mark Jason Suriben Obillo, agtawen ti duapulo ket tallo, baro, nga agnaed idiay Masupi, Balaoan, La Union a na-assign iti Tagudin Municipal Police Station ta bayat iti panagturongna iti kampo para iti post program iti Kannawidan dagiti kameng ti pannakabagi ti linteg ket naawanan ti kontrol ti manibelana a gappuanan ti pannakaidungparna iti nakaparking a lugan.
Nagsagaba ti dunor iti naduma-duma a paset ti bagi ken nakaru a dunor iti ulo ni Obillo isu a naipan iti Metro Vigan Cooperative Hospital Bantay ngem naideklarar a dead on arrival babaen ti doktorna.
Naipan ti motorsiklo iti San Vicente Police Station para iti proper disposition ken documentation.
VOICE OF PMAJ. MARCELO MARTINEZ
