Pribilehiyo para ti maysa a Pilipino iti pannakairamanna a maysa kadagiti Marshal manipod duapulo ket pito a Pilipino a napili a Marshal iti meet and greet ti Filipino Community ken ni President Ferdinand Marcos Jr. idiay Lao PDR.
Iti pannaki-uman ti Bombo Radyo Vigan ken ni Bombo International News Correspondent Annie Taquiso Inventor manipod Lao PDR, idi nagsapul ti Philippine Embassy of Lao iti volunteer nga ag-Marshal ket saan nga insigida a nagkuti ta lallaki iti innalada ngem idi inlukatda para kadagiti babbai ket nagboluntaryon nga isu iti pannakapilina.
Segun ken ni Inventor, napakaammoanda kadagiti maaramid para iti panagbalinda a Marshal para ti pannakasigurado ti seguridad iti event.
Bayat ti event ket siniguradoda a natalged iti lugar ket saan a siasino laeng iti makastrek ta adda pay QR code kadagiti Pilipino a nakipaset.
Nu maipanggep iti panagmensahe ni Pres. Marcos kadagiti Pilipino ket kinuna ni Inventor nga awan met iti nagbalin a parikot ta binigbigna dagiti mangmangged a Pilipino nga adda iti nasao a pagilian.
VIDEO – BINC ANNIE TAQUISO INVENTOR
