Agtultuloy ti search and rescue operation dagiti maseknan para iti ina a mapukpukaw gapu iti panakayyanudda nga agpapamilia idi kalman iti Abra River, Barangay San Mariano, Bantay, Ilocos Sur.
Nabigbig dagiti karaman iti pasamak a da Nolie Ayudan Daria, agtawen iti limapulo; Mary Ann Ramos Daria, agtawen iti uppat a pulo ket pito; Edward Ramos Daria, agpapada nga agnaed iti nasao a lugar.
Segun ken ni Barangay Captain Adollfo Benicta, limmasat ti nasao a pamilia iti karayan manipud Barangay San Mariano a mapan Santa tapno isalakan dagiti kaldingda babaen iti rakit idin ta idi addada iti katengngaan iti karayan, napattog ti rakitda.
Nakontrol ni Edward ti rakit ken naisalakanna ti amana a ni Noli ngem ti inana a ni Mary Ann ti ikagkagumaan pay laeng a sapulen dagiti maseknan.
Naipan met iti ospital ni Noli para iti pannakakita iti kasasaadna.
Segun ti kabsat ti biktima a masapsapul, adda kalapaw dagitibiktima tapno bantayan dagiti kalding da.
Ti laeng kayongna iti mapmapan umumyan ti rabii iti kalapaw da, ken maproblemaanda dagiti agtiliw no maipan dagiti kalding iti igid ti kalsada.
Makasangit ti kabsat ti biktima gapu ta insakripisyo da ti biagda gapu laeng ta mailalaanda dagiti kalding da.
