--Ads--
VIGAN CITY – Maysa a pakete ti mapapati a shabu ti nasarakan dagiti agama a mangngalap idiay Barangay Villamar, Caoayan, Ilocos Sur.
Ti nasao a pakete ket kapada iti isu met laeng a naala dagiti mangngalap manipud iti nadumaduma nga ili iti probinsia pakairamanan ti San Juan, Sta. Maria, Magsingal, Cabugao ken San Juan.
Segun ken ni Warlito Ragunjan Ponce, nakakita iti shabu, nagbalawda idi makitada ti nasao a pakete a tumtumpaw ket linukatanda daytoy idi addada iti taaw ken intakdangda met laeng idi makitada ti linaonna.
Saanna a ninamnama a shabu ti linaonna dagiti pakete isu a dagus met a nagturongda iti Kapitan ti barangay tapno ipakaammo ti nakitada.
-- ADVERTISEMENT --
Agtultuloy met ti panangbigbig dagiti otoridad no mano ti gatad dagiti kontrabando.
