VIGAN CITY – Maysa a patagilakoan ti Hardware ken Construction Power Tools iti mapapati a natakawan idiay Brgy. Caburao, Santiago.
Segun ti Santiago Municipal Police Station, ti biktima ket ni Christian Bagbagan Sagay, agtawen iti uppat a pulo key pito nga agnaed idiay Lidlidda idinto a saan a nabigbig dagiti suspek.
Iti naawat a report dagiti pannakabagi ti linteg manipod ken ni Kagawad Noly Gray iti nasao a barangay inaig iti napasamak iti mapapati a panagtakawan iti nasao a lugar.
Segun kada Venus Paungan Pio, agtawen iti uppat a pulo ket tallo, ken Junello Nunez Victoreno, agtawen iti duapulo ket innem nga agpada a taga-Lidlidda, rinugianda a nagisarra iti store ti alas sais iti malem idi kalman September 19, 2022 ngem itay alas nuebe y media ti bigat, idi lukatandan ti store ket napansinda a nagulo dagiti item iti uneg ken adda dagiti mapukpukaw.
Dinadael dagiti nagtakaw iti steel grill iti tawa iti likod ti shop nga isu iti nagnaanda ken gappuanan ti panangalada iti tallo a demolition breaker, sangapulo ket pito nga angle grinder, tallo a finishing sander, dua nga inverter welding machine, maysa a wireless impact wrench, maysa nga impact drill, maysa a submersible pump, maysa a karton iti flashlight, maysa a wall chaser, uppat a circular saw, maysa a router, uppat a safety boots, maysa nga angle polisher, tallo a bolt cutter, duapulo a piraso a cutting disc, maysa a wireless angle grinder, maysa nga impact drill, maysa nga angle grinder, maysa nga electrical planer, maysa a fighter brand, dua nga inverter welding machine, maysa a marble cutter, maysa a ratchet set, ken mysa a screw driver set nga aggatad iti P250,000.
Iti agdama, agtultuloy iti imbestigasyon dagiti pannakabag ti linteg inaig ti nasao a banag.